Bachon K Dast Ka Ilaj | Quick Home Remedy In Hindi

Bacho ko garmiyon main diarrhea ki samasya ho sakti hai. Yeh takleef zyadatar us waqt hoti hai jab bachon ke daant aana shuru hote hai. Kuch cheezon ka dhyan rakhiye aur neeche diye bachche ke dast ke gharelu nuskhe ka prayog kare. In asaan se upaye se aap bacho ke dast ki samasya ko theek kar sakte hai.

Bachon-K-Dast-Ka-Ilaj

Kuch cheezon ka dhyan rakhiye:

  • Agar bachha ek saal ka hai aur usko patli potty ke saath halka bukhaar aata hai to is samasya ko gambheerta se lena chahiye.
  • Agar bache ko zyada pyas lagti hai, uski jeebh sookhne lagti hai aur aankhein dhasi hui nazar aati hai to bache ka rona laazmi hai. Bacho ko diarrhea ke sath pet main dard bhi hota hai jiski wajah se who adhik rote hain. Yeh dehydration ke kaaran hota hai. 6 mahine se do saal ke bachon ko yeh problem ho sakti hai.
  • Dast main agar khoon aaye to yeh samasya kaafi gambhir ho sakti hai aur isme saavdhani baratna chahiye.

 

 

Aap kuch asaan se shishu ke dast ke gharelu upay prayog kar sakte hai jo bache ko araam denge.

 

  • Jab bacho ko patle dast ho to doodh dena na band karein. Aapko bhojan main kuch badlaav karne honge jo bacho ki dast ki problem ko nischit roop se khatm kar denge. Aap bache ko patli khichdi main dahi milakar de sakte hai ya phir kele ko ache se peeskar khila sakte hain.
  • Diarrhea ke waqt bacho ko aam, angoor, ber(plum), khubaani(apricot), aadu(peach) bilkul na de. Aap bache ko keval kela, anaar ya seb hi de.
  • Gripe water pilane se bacho ko pet dard main araam milta hai. Gripe water har brand ka alag hota hai to ise lete waqt iske ingredients ko dhyan se padh le. Agar isme alcohol ho to bacho ko us brand ka gripe water na de. Bina alcohol wala gripe water hi dena sahi hoga.
  • Agar zyada dast ya ulti ho bache ko namak aur aur cheene ka ghol banakar baar baar pilaye kyunki ye shareer main paani, namak aur sodium ki kami ko poora karega.
  • Ek mutthi rice powder ko paani main mila le aur ise dus minute tak pakaye. Phir isme kam se kam ek litre paani milaye aur halka namak bhi daal de. Yeh paani dikhne main ek dum patla ho jaega aur phir yeh bache ko pilaye.
  • Bache ko keval bhook lagne par hi feed kare aur zabardasti feed na kare

 

To bachon k dast ka ilaj upar diye tareeke se aap kar sakte hain. Yaad rahe ki bache ko koi bhi antibiotic dawai dene se bache aur yadi aap bache ko doctor dwara di gayi dawai de rahe hai to un dawaon ke bare main achi tarah se jaankaari le. Agar aap bache ko ulti ki dawa de rahe hai to dhyan rakhiye ki dawa ke baad bache ko turant feed na kare. Dawa ke ek ghante baad hi bache ko feed kare.