Balo Ka Jhadna Rokne Ke Upay | Hair Loss Treatment At Home

HairFall TreatmentBalo ka Jhadna ek bahut he zyada pareshan karne wala problem hai jis sey aaj kal ke navjawan sey le kar buddhe tak pareshan hai. Lambe kale bal ek ladki ki shoba hote hai. Ye hi nai, jab baat balo ki ho to yeh ladko ke liye bhi utni hi important hai jitni ki Girls ke liye. Aajke is pollution bhare environment me hamare balo ko sabse jada nuksan pahunchta hai. Air me chupe hue chote chote dust particles apke balo se chipak jate hai aur dandruff paida kar dete hai jis sey bal jhadne ki problem bahot jald shuru hone lagti hai. Iske alava aaj kal hair colouring ka trend chala hai jiske karan kafi sare chemicals apke scalp ko nuksaan pahunchate hai jo ki balo ko tutne ki sabse badi problem ban jati hai.

Balo Ke Liye Home Remedies

  • Apne balo ko Coconut oil se nahane ke 1 hr pehle acchi tarah sey champi kare. Isse apke balo ko nourishment mil jata hai aur tel shampoo ke kuch harmful chemicals sey bhi balo ki suraksha karta hai. Narial ka tel ek bahut hi zyada poshak tatv hai jisme balo ka jhadna rokne ke liye sare proteins hai. Aur ye kuch had tak apke skin k liye bhi accha hai aur apko din bhar halkepan ka abhas hota hai.
  • Pyaz ka juice: Ye toh bahut kam logo ko pata hota hai ki ye kitna faidemand hai. Ye Balo ka Jhadna kam kar deta hai kyonki iss sey aap k balo ke andar collagen banta hai jo uske liye bahut accha hai aurr usko badhne mey help karta hai. Isko apko pees kar apne sar par laga lena hai aur fir 60 minute k baad acche sey ek halke shampoo se dho ley.

Pantene Hairfall Control Shampoo

  • Henna ek bahot hi labhkari chiz hai. Jyadatar log iss bat ko jante bhi hai aur khas kar ke balo k health k liye ye kafi zaruri hai. Ye apke balo ke growth aur Nourishment k liye kafi labdayak hota hai. Henna ki ek meethi si khusbhu hoti hai jo kafi der tak baalo mey rehati hai. Iss ke bare mey dunia k kafi sare bade scientists ney kaha hai ki ye sabse zyada labh dayak hai. Karib 60gm sukhe hue Henna ke patte ko aap 250 gm sarso ke tel me daal kar boil kar le. Iss mixture ko tab tak boild kare jab tak ki ye pura jal nahi jata. Fir ise ek Malmal ke kapde (muslin cloth) ke istemal se filter kar le. Isse thanda kare and aur rozana apne hair pe message kare. apka balo ka jhadna bahhot jald kam ho jayega. 
  • Mehandi jo apko dey kale ghane aur bouncy bal. Hamare yaha lagbhag sabhi jagaho par Mehndi ka istamal sadiyon sey chala aa raha hai aur sadiyo tak chalta rahega. Mehandi ke patto ko pees kar uske lep bana kar 2 ghante tak usko rekh dena padta hai aur fir sar dho lena padta hai, iske faide toh apko pata he honge. Iss sey apka kale ghane balo ka sapna bahut jald pura ho jayega aur iska koi bhi istamal kar sakta hai aur ye apke kessh ya sar ko bhi thanda rakhta hai.

Livon Hair Gain Tonic

Livon Hair Gain Tonic

  • Balo ka Jhadna ko rokne ke liye Ande(Eggs) ka istamal bhi kiys jaa sakta hai. Ande ka sirf white apko lena hoga aur usko olive oil k sath ache tarah fett le aur apne pure baalo par sar sey ekdum neeche tak laga le aur 15 minutes k baas dho de. Aapko shampoo aur thande pani sey isse dho dena hai taki koi badbu na rahey. Ande mey kafi sara protein hota hai jo baalo k healthy aur jaldi badhne ke liye kafi zaruri hai. Abb toh iska istamal shampoo mey bhi kiya jar aha hai.
  • Neembu (Lemon) bhi kafi had tak lab dayak hota hai balo ke liye kyunki isme kafi sare gun chipe hue hai. Bus 1 Nimbu le aur apne balo k jad par yanii apne sar par use halke sey ragad le taki uske rass apke balo k beech k jagh tak pahunch jaye. Kuch he dino mey apke balo ka jhadna kamm hine lagega. Ye sabse pehele toh apke dandruff dur karega aur koi bhi tarah k dust ya gandagi ko apke balo sey puri tarah sey hata dega.

Ye sare balo ke desi nuskhe hai jo apke balo ko Jhadne sey rokne k liye kafi kargar sabit honge. Aur sabse acchi baat hai ki inn desi nuskho k koi bhi Side effects nahi hai jis karan koi bhi inka istamal kar sakta hai. Ye sari cheje kafi asani sey mil bhi jate hai aur ye sare nuskhe 100% natural hai aur inme koi bhi chemicals ka upyog nahi hota. To in simple balo ke desi nuskhe ko use kare aur apne balo ko bachae.