Sunburn Se Chutkara | Sunburn Se Bachne Ke Upay

Garmi ke mausam main dhoop ki wajah se aapki skin burn ho jaati hai aur aapke shareer pe laal chakkate padh jaate hai.  Yeh aapki sundarta cheen sakte hai.  Isiliye yahan pe hum bhaut hi assan si home remedies for sunburn in hindi dekhengay jo istemaal karne main behad asaan hai. In upaye ke rozana istemaal se aapko sunburn se jald hi chutkara mil jaega.

Sunburn Se Chutkara

Baking soda: Baking soda khaane main istemaal hota hai par khane ke alawa ye aapko sunburn se chutkara pane main kaafi madad deta hai. Isko aap do tareeke se istemaal kar sakte hai.

 

  • Pehla tareeka yeh hai ki aap nahane ke paani main ek cup baking soda mila le. Isko phir 20 minute tak paani main chor de. 20 minute baad is paani se naha le aur nahane ke baad apna badan tauliye se achi tarah poch le.

 

  • Doosra tareeka hai ki aap ek chuthai cup paani main 3 chammach baking soda dal k ek paste tayyar kar le. Phir is paste ko sunburn pe laga ke dus minute tak chor de. Phir thande pani se sunburn pe lage is paste ko achi tarah dho le. Is upaye ka tab tak istemaal kare jab tak ki sunburn poori tarah thik na ho jaaye. Is upaaye ko din main ek baar istemaal kare.

 

Aloe Vera: Aloe vera ko ek chamatkari paudha kaha jaata hai aur yeh twacha ke liye bhaut faydemand hai. Yeh sunburn main bhi bhaut madad deta hai

 

  • Aloe vera ki paataiyan tode aur taaza gel bana le au rise fridge main 30 minute tak rakh de. Iske baad ise sunburn pe laga k eek ghante ke liye chor de. Ek ghante ke baad thande paani se dho le. Is upay ka prayog din main ek baar zaroor kare. Aloe vera main sheetalta ka gun hota hai jo sunburn main behad laabhdayak hota hai.

 

Seb ka sirka ya apple cider vinegar: seb ka sirka aapke sharer ke liye bhaut faydemand hai aur yeh sabse asardar gharelu nuskhe main se ek hai jo aapko sunburn ki takleef se kaafi araam phauchaega. Yeh aapki twacha ke pH level ko saamanya rakhta hai.

 

  • Ek spray ki botal main yeh sirka daal le aur phir sunburn pe spray kare. Agar aapki twacha had se zyada mazuk hai to ek cup paani main do chammach sirka daal ke spray kare. Isko soohne de aur phir naariyal tel ko sunburn pe dheere dheere ragde. Aadhe ghante isko aise hi chor de taaki tel aapki twacha main poori tarah se sama jaaye. Is upaye ko aap din main har paanch ghate ke baad prayog kar sake hai. Seb ke sirke main acetic acid hota hai jo sunburn ki wajah se hui soojan aur jalan main bhaut fayda deti hai. Agar aapko halka sunburn hai to yeh ek hi baar is tareeke ka upyog karne se thik ho jaega.

 

  • Kheera: Kheera aankhon ke neeche kaalepan ko hatane main madad deta hai par isme sheetalta ka gun bhi hai jo aapko sunburn se raahat deta hai.

 

  • Kheere ko acgi tarah mash kare aur iska lep bana le. Is lep ko refrigerator main thanda hone ke rakh dijiye. Jab yeh thanda ho jaaye to sunburn pe lagaye. Bees minute ke baad isko dho le.

Isko aap din main kitni bhi baar prayog kar sakte hai. Kheere main dard ko kam karne waale aur antioxidant ke gun paaye jaate hai jo sunburn ko door karne main kaafi faydemand hote hai.

To upar diye yeh teen sunburn se bachne ke upay kaafi laabhdayak hai. Iske rozanna istemaal se aap sunburn se asaani se chutkara paa sakte hai.